Ný síða

http://www.mardisogragga.bloggar.is


Ég er stödd í Barcelona. Lenti í gær, en ég og Mardís munum eyða næstu þremur mánuðunum hér í spænskuskóla.


blés.

Í ljósi þess að ég hef voða lítið að gera á þessu fallega sunnudagskvöldi og nenni ekki að byrja að læra þá ákvað ég að láta aðeins heyra í mér á þessari semi-dauðu síðu.

Var að skoða bikiní og kjóla á Victorias Secret fyrir útskriftarferðina, en við erum á leiðinni til Alanya á Tyrklandi í lok maí og fokk hvað ég get ekki beðið! Langar samt í alltof mikið.. þetta er hættuleg síða...

Fann eina frekar fyndna mynd af Adriönu Limu...

 
hvað er í gangi með svipinn?

fín síða.. mikið að gerast!

setti inn myndir samt, það er framför!

www.picturetrail.com/raggat
www.picturetrail.com/nemo2008

próf á morgun, kórferð um helgina!

sjáumst

Setti inn myndir..

- www.picturetrail.com/24nov -

Jólin voru æði og áramótin líka. Í kvöld er afmæli hjá Jonna á Gauknum, ár og öld síðan ég steig þangað inn, lofar góðu. 

Framundan er svo......  

 Janúar

• skólinn byrjaður, seinasta önnin mín í Verzló.. mér líður eins og ég sé elliær, finnst ég hafa verið í 3.bekk í gær!
• allt á fullu í undirbúningi f. Nemó
• svolítil breyting í lífi mínu, sjáum til með það..

Febrúar

• 7.feb er svo Nemódagurinn sjálfur, get ekki beðið! Reyndar orðin smá stressuð með kjól

 Kem svo kannski með svona yfirlit yfir árið 2007 á næstunni

kv. lélegasti bloggarinn

djók eða?

þetta er eitt það hallærislegasta sem ég veit, stelpur -don't do it!

Mamma og Dúnna systir eru á leiðinni til Orlando á föstudaginn og úfffff hvað mig langar með!! Ég hugsa nánast um það á hverjum degi hvað það væri gaman ef ég færi með. Ég fæ þó að vera með þeim í anda og versla á netinu í staðinn. 

Á föstudaginn er Ví-mr dagurinn og ég hlakka smá til. Ég hlakka samt mest til ræðukeppninnar, það er alltaf einhver sérstök stemmning, og kannski fæ ég þá að hitta Sillu og Tönju vinkonur mínar sem ég hef ekki hitt ooof lengi, hvar eruð þið?

Svo styttist óðum í vetrarfrí, en ég býst við að ég fari ekkert og veri bara heima að læra.....svona er að vera dúleg!

einu sinni var ég svona nett!

ég er búin að setja inn restina af myndunum frá marmaris

www.picturetrail.com/marmaris0072

og svo líka myndir úr fyrirpartýinu fyrir Busaballið

www.picturetrail.com/busa2007

90's ball á Nasa í kvöld

eeeelska það

Hvað er í gangi með fótboltamenn nútímans?? Detta niður dauðir hver á fætur öðrum í leikjum eða á æfingum. Ætli þeir séu að taka eitthvað inn eða hvort það fari saman að vera góður í fótbolta og vera með hjartagalla? Mér finnst þetta allavega mjög sorglegt og langar að deila með ykkur einu furðulegasta video sem ég hef séð.

 http://www.youtube.com/watch?v=NiVjzSTIPOc  

Ljósanótt og svo Snobbpartý í kvöld.

Nett nett nett. 

Fyrsti hluti mynda frá Marmaris er að finna hér:

http://www.picturetrail.com/marmaris007 

Sigyn setti líka inn myndir:

http://sigyn.myphotoalbum.com

Komin heim!

myndir væntanlegar

framundan er þá...

• skóli
• frumsýning Astrópíu
• ljósanótt

Þetta blogg er tileinkað þessum sæta strák en hann á afmæli í dag, 7 ára!

dýrk'ann!

Annars er ég, ásamt fríðu föruneyti á leiðinni til Tyrklands, Marmaris á morgun eða eftir sirka 23 klst verðum við staddar á Leifstöð að koma okkur í gírinn.

2 vikur

...............

Komin heim!

elska Ísland

Jæja þá er kominn tími til að láta heyra aðeins í mér. En það hefur ýmislegt drifið á daga mína síðan síðast!

Það hefur ekki rignt í þónokkurn tíma sem er æði en þegar það rignir þá lítur það nokkurn veginn svona út:

Þetta er farartæki mitt um götur Bombay:

Fór í afmæli hjá frægum Bollywood leikara, mjög steikt,  voru svona 10 ljósmyndarar og 3 videocamerur, líklegast birtist mynd af mér og Bryndísi (e. Bendice) í Mumbai Times, það á að vera voða nett. En fólkið hér hugsar varla um annað en frægð og frama. 

Þetta er Marriott hótelið sem við förum svo oft og fáum okkur hádegismat

Síðustu helgi fór ég til Pune í Osho sem eru hugleiðslubúðir, já ég er ekki að djóka.Ótrúlega flott, Bítlarnir voru víst mikið þar.Við þurftum að vera í einlitum sloppum allan daginn, allir eins..og fórum í ýmiss konar hugleiðslu og lærðum smá magadans og annað, þetta var rosalega skemmtileg lífsreynsla verð ég að segja. En ég gat bara verið í eina nótt. Vorum einmitt í svona sloppum og svona er andrúmsloftið þarna, allir brosandi.

Við stelpurnar erum búnar að vera að spá í að fara til Delhi og svo Agra og skoða Taj Mahal það er eitthvað sem maður hreinlega verður að gera fyrst maður er hérna og líka þar sem ég hef aðeins séð brjálað mikið af fólki og ruslahauga hingað til. Vorum einmitt að skoða verð á flugmiðum og það var 900 kr fram og til baka, það er hlægilegt verð! EN svo kom í ljós að það var verðið sem Indverjarnir þurfa að borga, en túristar þurfa að borga meira, talandi um mismun?

Beljurnar chilla á götunum eins og ekkert sé.. svo sér maður fólk, beljur, geitur, hunda, ketti og rottur vera að narta í sama ruslahauginn. Það eru hundar hér gjörsamlega útum ALLT ég held að ég sjái að meðaltali svona 50 hunda á dag.. mér finnst það æði, nema þegar ég sé litla horaða.. þeir eru þó flestir alveg nettir bara, en það er bannað að drepa þá og þeir lifa bara allir á götunni.

Það er eitt sem mér finnst mjög einkennilegt hérna það er gamla fólkið ég veit ekki hvort það sé einhver tískubylgja eða einhvers konar trú en ég hef séð alveg furðulega mikið af gömlu fólki með appelsínugult hár, þá meina ég ekki svona gulappelsínu eitthvað. Nei, appelsínugult, mjög ljótt.

Það er hlægilega ódýrt að snyrta sig hér:

Andlitsbað 600 isl
Nudd ca 1000 isl
Handsnyrting og Fótsnyrting 300 isl
Fótavax 300 isl
Brazilian vax 700 kr isl

Ég er búin að gera eitthvað af vinnu hérna, þetta er allt öðruvísi en heima verð ég að segja. Núna á sunnudag og mánudag vorum við Helga að leika í tónlistarmyndbandi, eitt það fyndnasta og fáránlegasta sem ég hef gert á ævinni, það sem okkur finnst kannski hallærislegt gæti þeim fundist nettast í heimi. Þar var ég einmitt látin leika Miss World í allri múnderingu sem fylgir því og einhverjir krakkar og konur voru á settinu og þau komu öll til mín þar sem ég sat og báðu um eiginhandaráritun og vildi öll taka í hendina á mér, mér hefur sjaldan liðið jafn skringilega á ævinni, þau semsagt héldu að ég væri Miss World í alvörunni. Ég náttúrlega gaf þeim bara eiginhandaráritun þar sem þau hefðu aldrei skilið mig ef ég hefði reynt að útskýra fyrir þeim að svo væri ekki. Skrifaði bara nafnið mitt og brosti.

Ég er búin að taka nóg af myndum.. þarf bara að fara að vinna í því að setja þær á netið. 

Annars hef ég ákveðið að fara fyrr heim, þannig að við sjáumst bara bráðlega

Jæja... Þá er ég komin með smá heimþrá og komin með fyrstu bitin mín en þau eru eftir litlar ósýnilegar pöddur sem lifa á holdi og heita bed bugs.. oj!...og mig klæjar ekkert smá. Það býr einnig alveg frekar stór eðla inn í forstofunni okkar og svo búa rottur niðri hjá Siggu, afar notarlegt. Eftir þessar tvær vikur sem ég hef verið hér hef ég líka komist að því að Indverjar eru allt öðruvísi en ég hélt og finnst greinilega ekkert mál að ljúga. 

Fórum í bíó í gær, ég, Eva og Helga á Die hard 4, mér fannst hún góð. Bruce náttúrulega aðeins of svalur. Misstum af þjóðsöngnum en Indverjar syngja alltaf þjóðsönginn áður en myndin byrjar, hefði viljað upplifa það! Ég varð háð poppinu en það var karamellupopp ég veit það hljómar ekki vel en það var svoo gott, við keyptum okkur tvo skammta Við erum svo búnar að ákveða að fara á Harry Potter þegar hún kemur í bíó, sem er bráðum.. þrái poppið!

Annars gerði ég fyrsta verkefnið mitt hér í fyrradag, fyrir HSBC alþjóðlega bankann. Mjög undarleg myndartaka en ég fór einmitt í vax, hand og fótsnyrtingu og nudd og fór svo ofan í heitt bað með fullt af bubblum og átti bara að liggja þar með lokuð augun, svo þar á eftir átti ég að liggja upp í sófa að lesa bók. Frekar nice. Ég var líka að vinna með Bretum og þá gat maður loksins talað venjulega ensku en ekki ensku með indverskum hreim. Indverjunum fannst ég vera líka Jessicu Simpson? Einmitt. Fór í casting í gær fyrir svona business eitthvað og ég átti að vera að leika unga móður um þrítugt.. maður er einmitt sendur í ótrúlegustu casting hérna og þar hittum við einmitt nettan gaur frá Kaliforníu sem var með mynd af sér og Adriönu Limu í tölvunni sinni, mér finnst það nett. 

Annars er ekki mikið að frétta nema Eva er farin heim aftur  og Ásta kemur eftir 3 daga og ég kem að öllum líkindum fyrr heim en ég ætlaði!  

Ég sá fíl úti á götu áðan, lítinn og sætan en viti menn ég var ekki með myndavélina mína, það var frekar svekkjandi.

Annars sá ég risastórt auglýsingaskilti frá HSBC hér um daginn og mér brá ekkert smá en á því stóð: Which currency offers the highest rate of interest in the developed world? : The Icelandic krona og svo eitthvað meira en að spá í að sjá þetta á Indlandi.. aldrei hefði mér dottið það í hug, fannst þetta bara svona sniðugt innskot. Takk.  

Það er engin rigning eins og er en það gæti byrjað að rigna hvenær sem er! Þótt það sé rosalegt ævintýri að vera hérna þá þrái ég mest af öllu að fara í sumarbústað eða útilegu, sund og grilla eða fara í körfubolta í góða veðrinu heima. Mig langar semsagt að gera allt sem ekki hægt er að gera hér  En þá er það bara að fara á Marritott að borða og svo í nudd

Endilega sleppið því að tala um góða veðrið heima, takk.  (ég frétti einmitt að það sé spáð rigningu alla næstu viku aaha.)

Kv. Ragnheiður Indverji.

Indverjar eru klikkaðir.

Ég var að koma heim, rennandi vot.. eins og ég hafi stokkið ofan i sundlaug án djóks. Það er svoo mikil rigning og flóð um allar  götur, það er sko eins og það sé ein risastór sundlaug alls staðar fyrir utan, það er varla hægt að labba í þessu. Ég var semsagt vakin kl 10 og mér var sagt að ég yrði að vera tilbúin eftir korter(einmitt) ég átti að fara að hitta eitthvað fólk fyrir myndatöku, við lögðum af stað í hellirigningu sko eins og hellt væri úr fötu, bókstaflega, rigning á Íslandi er sko ekki rigning miðað við þetta. Ok, ég búin að gera mig fína og svona, byrjum á því að þurfa að skipta um dekk sem tók ótrúlega langan tíma þó þeir væru 3 að, svo finnur bílstjórinn ekki staðinn og einhver kelling alltaf að hringja í mig og segja mér að koma og ég að reyna að útskýra fyrir henni að við vissum ekkert hvar þetta væri. Svo hækkaði og hækkaði vatnsyfirborðið og ég varð hræddari og hræddari, var byrjuð að ímynda mér ýmislegt. Þurfti svo að fara útúr bílnum og labba í flóðinu á hælunum en við fundum ekki staðinn og loks hringdi “yfirmaðurinn” minn og sagði mér að fara bara heim. Við festumst oft á leiðinni og ég var orðin frekar hrædd, því það hefur oft gerst hér að fólk festist bara einhvers staðar í 4 daga. En ég komst þó heim heil á húfi rennandi blaut og mjög pirruð

Annars kom Eva í gær, við fórum út að borða og kíktum á einhvern stað þar sem sextugur maður var að reyna við Bryndísi og vildi dansa við okkur.. hvað er í gangi?? Fórum bara snemma heim. Í kvöld á svo að vera kveðjupartý fyrir Tönyu, stelpuna frá Slóveníu en ég veit nú ekki hvað verður um það útaf rigningunni

Það er þó ekki allt ónýtt því það er hægt að fara í ræktina og nudd og svo er 5 stjörnu hótel, Marriott í sirka 15 mín fjarlægð frá okkur, fórum þangað í gær í hádegismat og mér leið eins og ég væri í draumalandi  Það var hægt láta gera sitt eigið pasta, pítsu, indverskan, brauð, súpur, fisk og bara hvað sem er, og eftirrréttarhlaðborðið.. guð minn góður! Það voru svona 15 gerðir af súkkulaðikökum og vöfflur og ís og nammi og bara allt, við átum allar yfir okkur og ég varð ekki svöng það sem eftir var af þessum degi, og svo er verðið auðvitað hlægilegt miðað við það sem maður er að fá.

Nú þegar hef ég farið í indverskt brúðkaup, það er öðruvísi en heima ..mun litríkari föt og miklu fleiri demantar hehe.. 

Það gerist allt frekar hægt hér á meðan veðrið er svona og varla hægt að fara út, en þá finnur maður sér bara eitthvað að gera.

Vona að þið hafið það gott heima, ég veit að það er ógeðslega gott veður og mér er alveg sama, kv. bitra

Jæja þá get ég loksins látið heyra í mér hérna frá Indlandi. En til þess að komast á netið þarf ég að sitja frammi í stigaganginum þar sem er ekkert loftræstikerfi því það er eini staðurinn með netsambandi. Fyrsta daginn hér var ég mjög þreytt eftir þetta langa ferðalag hingað en það leið þó óvenju hratt.  

Mér finnst ég alls ekki hafa fengið neitt rosalegt menningarsjokk, kannski því ég var búin að undirbúa mig svo fyrir það? Eina sem var skrýtið fyrst var hvernig allir hérna keyra það er náttúrulega alveg fáránlegt, það eru engar reglur og allir bara eitthvað í klessu og að flauta á hvorn annan(en það er samt til þess að láta vita af sér held ég) svo eru allir jafnmiklar frekjur og enginn víkur fyrir neinum, mér finnst þetta eiginlega bara frekar fyndið. Ryksjaw er mjög skemmtilegt farartæki en manni líður allan tímann eins og maður sé alveg að fara að lenda í slysi og svo eru þeir alltaf mjög nálægt því að klessa á fólk sem labbar yfir götuna, fór fyrst yfir götu núna áðan og það var lífsreynsla En annars ferðast maður allt í Ryksjaw eða í bíl, maður labbar ekkert.. nema þá í mesta lagi yfir eina götu sem er ekki eins auðvelt og maður gæti haldið!

Í gær fór ég í fyrsta casting-ið mitt hér fyrir Canon myndavélar, áttum að mæta í “sexy en samt ekki too loud” outfitti.. hehe  Svo þegar við komum þá áttum við

 að dansa! Ekkert annað.. bara dansa, við Bamboleo með Gipsy Kings, ein fyrir framan myndavél og fullt af fólki.. mjög fyndið en samt alveg gaman. Mér hefur sjaldan liðið jafn kjánalega á ævinni

 Maturinn hérna er mjög góður og allt öðruvísi en ég hélt, og kostar auðvitað ekki neitt, það er einn staður hérna mjög nálægt okkur sem heitir Myst, maturinn þar er æði og líka súkkulaðikakan Svo er líkamsrækt hérna rétt hjá okkur líka Nautilius keðjan sem er líka í Kópavogi.. kom mér mjööög á óvart. Það er æði þar, ég keypti mér mánaðarkort sem kostar ekki rass og ef ég hef ekkert að gera á daginn þar sem það er ekki mikið um casting núna og þar af leiðandi ekki vinna þá ætla ég bara að vera í ræktinni og nuddi, andlitsbaði og einhverju dekri bara. Það eru líka æðislegar sturtur og gufa þar. 

Það eru hundar útum allt hérna á götunum og ógeðslegar risarottur og litlar sætar eðlur líka, svo auðvitað nóg af moskito og alls konar furðulegum pöddum. 

Fólkið hérna talar flest ensku með mjög indverskum hreim, elska það. En það tekur sinn tíma að skilja þá og mun venjast með tímanum. Og fólkið hér  skilur mann heldur varla ef maður gerir það ekki líka, þannig að ekki láta ykkur bregða ef ég kem heim með indverskan hreim

Í dag er ekkert mikið að gerast, en í kvöld er partý sem við ætlum öll að kíkja í.

Ég set svo inn myndir við fyrsta tækifæri!